नयाँ दिल्ली । कमला बचाउ अभियानका अध्यक्ष विक्रम यादवलाई जल संरक्षणको क्षेत्रमा उत्कृष्ट काम गरेको भन्दै सम्मानित गरिएको छ ।
भारतको राजधानी नयाँ दिल्लीमा शुक्रबार आयोजित जल प्रहरी समारोहबीच उनलाई सम्मान गरिएको हो । सो कार्यक्रममा भारतको २२ वटा राज्यबाट आएका जल प्रहरीहरुलाई सम्मान गरिएको थियो । भने सो कार्यक्रममा पहिलो पटक अन्य मुलुकका व्यक्तित्वलाई समेत सम्मानित गरिएको हो । सोही क्रममा धनुषा र सिरहा जिल्लाको सीमामा अवस्थित कमला नदीलाई पुनर्जीवित गर्नकालागि महत्पूर्ण योगदान दिएको भन्दै अभियानका अध्यक्ष विक्रम यादवलाई भारतको माल्टाका उच्चायुक्त रोबिन गाउचीले दोसल्ला ओढाई सम्मान गर्नुका सथै प्रमाणपत्र प्रदान गरेका थिए ।
सो कार्यक्रममा भारत सरकारका जलशक्ति मन्त्री गजेन्द्र सिंह शेखावतले भर्चुअल माध्यमले आफ्नो धारणा व्यक्त गरेका थिए । सो क्रममा उनले जलप्रहरीहरुको मनोबल उच्च राखेर पर्यावरण जोगाउन अझै लडाई जारी राख्नु पर्ने बताएका थिए ।
The post यादवलाइ जलप्रहरी सम्मान appeared first on Janakpur Today.
* This article was originally published here
प्रतिक्रिया