![](https://onlineradionepal.gov.np/wp-content/uploads/2022/02/%E0%A4%B6%E0%A4%82%E0%A4%95%E0%A4%B0%E0%A4%BE%E0%A4%9A%E0%A4%BE%E0%A4%B0%E0%A5%8D%E0%A4%AF%E0%A4%A6%E0%A5%8D%E0%A4%B5%E0%A4%BE%E0%A4%B0-%E0%A4%B8%E0%A5%8C%E0%A4%A8%E0%A5%8D%E0%A4%A6%E0%A4%B0%E0%A5%8D%E0%A4%AF%E0%A4%95%E0%A4%B0%E0%A4%A3-%E0%A4%97%E0%A4%B0%E0%A4%BF%E0%A4%A6%E0%A5%88-1024x462.jpg)
वीरगंज । वीरगंज महानगरपालिकाले आर्थिक केन्द्र वीरगंजको परिचय र अस्तित्वसँग जोडिएका शंकराचार्यद्वार, घण्टाघर लगायतका ऐतिहासिक धरोहरको संरक्षण तथा सौन्दर्यीकरणका लागि विशेष अभियान शुरु गरेको छ ।
महानगरपालिकाले वीरगंजको केन्द्रमा रहेको घण्टाघर, नेपाल प्रवेशद्वारको रुपमा रहेको आर्थिक केन्द्र वीरगंज प्रवेश गर्ने मुख्य ढोका शंकराचार्यद्वार तथा ज्येष्ठ नागरिक पार्कको मर्मत सुधार र सौन्दर्यीकरणका लागि नगर स्तरीय बजेट तर्जुमा गरी निर्माण कार्य शुरु गरेको नगर प्रमुख विजय सरावगीले जानकारी दिनुभयो ।
महानगरपालिकाले घण्टाघरको मर्मत सम्भार, रंगरोगन सहित विद्युतीय सौन्दर्यीकरणका लागि ४० लाख बजेट विनियोजन गरेको छ भने शङ्कराचार्य द्वारको मर्मत सम्भार रंगरोगन सौन्दर्यीकरणका लागि ९ लाख रुपैयाँ छुट्याइएर निर्माण कार्य सुरु गरिएको महानगरपालिकाका योजना शाखाका इन्जिनियर राकेश साहले बताउनुभयो ।
त्यसैगरी महानगरपालिकाले ज्येष्ठ नागरिक पार्कको रुपमा रहेको लक्ष्मणवा पार्कलाई मर्मत सुधार र सौन्दर्यकरण गर्न ८० लाख रुपैयाँको बजेट विनियोजन गरेको र निर्माण कार्य तत्कालै सुरु गर्ने योजनामा रहेको इन्जिनियर साहले बताउनुभयो ।
यता महानगरपालिकाले घडिअर्वा पोखरी परिसर भित्र रहेको सूर्य मन्दिरको छठ पूजाको अवसर पारेर सौन्दर्यकरण तथा लाइटिङ्गको व्यवस्था मिलाएको इन्जिनियर साहले बताउनुभयो ।
![](https://onlineradionepal.gov.np/wp-content/uploads/2022/02/%E0%A4%AC%E0%A5%80%E0%A4%B0%E0%A4%97%E0%A4%82%E0%A4%9C%E0%A4%95%E0%A5%8B-%E0%A4%98%E0%A4%A3%E0%A5%8D%E0%A4%9F%E0%A4%BE%E0%A4%98%E0%A4%B0.jpg)
प्रतिक्रिया