वीरगंज, १९ माघ ।
जिल्ला प्रहरी कार्यालय, पर्साले मोटरसाइकल चोरी गरेको आरोपमा एकजनालाई पक्राउ गरेको जनाएको छ ।
माघ १८ गते राति साढे १० बजेतिर वीरगंज महानगरपालिका वडा नं.१५ भिष्वा चोकबाट बारा फेटा गाउँँपालिका वडा नं.३ बस्ने वर्ष ३१ को नरेश प्रसाद साहको प्रदेश २–०३–०१२ प ५८६ नम्बरको कालो रंगको मोटरसाइकल चोरी गरी भाग्ने क्रममा वीरगञ्ज महानगरपालिका वडा नं.२ बस्ने वर्ष २० को मोहमद अलीलाई पक्राउ गरेको प्रहरीले जनाएको छ ।
अलीले मोटरसाइकलको लक तोडी भाग्दै गरेको अवस्थामा प्रहरी चौकी भिष्वाडाडाँबाट खटिएको गस्ती टोलीले उनलाई पक्राउ गरी चोरी सम्बन्धी कसूरमा अनुसन्धान भइरहेको जनाएको छ ।
प्रतिक्रिया