![](https://onlineradionepal.gov.np/wp-content/uploads/2022/01/%E0%A4%B5%E0%A4%BF%E0%A4%9C%E0%A4%AF-%E0%A4%B5%E0%A4%BF%E0%A4%A8-%E0%A4%AA%E0%A4%A4%E0%A5%8D%E0%A4%B0%E0%A4%95%E0%A4%BE%E0%A4%B0%E0%A4%BF%E0%A4%A4%E0%A4%BE-%E0%A4%AA%E0%A5%81%E0%A4%B0%E0%A4%B8%E0%A5%8D%E0%A4%95%E0%A4%BE%E0%A4%B0-%E0%A4%AD%E0%A4%9F%E0%A5%8D%E0%A4%9F%E0%A4%B0%E0%A4%BE%E0%A4%88%E0%A4%B2%E0%A4%BE%E0%A4%88-1024x462.jpg)
वीरगंज । वीरगन्ज महानगरपालिकाका नगरप्रमुख विजय कुमार सरावगीले आफू पदमा रहे पनि नरहे पनि वीरगन्जको व्यावसायिक पत्रकारिता विकासमा साथ र सहयोग सदैव रहने बताउनुभएको छ ।
नगरप्रमुख सरावगीले आज एक समारोहका बीच स्व.विन्दुदेवी स्मृति प्रतिष्ठानद्वारा स्थापित स्व.विजयप्रकाश विन दोस्रो स्मृति पत्रकारिता पुरस्कार वीरगंजका वरिष्ठ पत्रकार पुरुषोत्तम भट्टराईलाई प्रदान गर्नुभएको छ ।
भट्टराईलाई कदर पत्र, दोसल्लासहित १ हजार १ सय ११ रूपैँया नगद प्रदान गरी सम्मान गरिएको थियो ।
कार्यक्रमलाई सम्बोधन गर्दै नगरप्रमुख सरावगीले इतिहासलाई जीवित राख्न अग्रजहरूको योगदानको सम्मान गर्न आवश्यक रहेको बताउनुभयो ।
समाजमा विशिष्ट योगदान गरेका व्यक्तिहरूको सम्मान र सामाजिक काममा वीरगन्ज महानगरपालिकाले साथ र सहयोग गर्ने प्रतिबद्धता व्यक्त गर्नुभयो ।
नगर प्रमुख सरावगीले वीरगंज महानगरपालिकाले जस्तै अन्य स्थानीय तहहरूले पनि सञ्चार गृहलाई सहयोग गर्नुपर्ने बताउनुभयो ।
उहाँले वीरगन्ज महानगरपालिकाले सञ्चार माध्यमहरूको विकास र सम्वद्र्धनका लागि पहिलो पटक सञ्चार ऐन ल्याएको बताउँदै यसले वीरगन्जको पत्रकारिताको विकासका लागि सकारात्मक भूमिका निर्वाह गर्नेमा विश्वास व्यक्त गर्नुभयो ।
प्रतिष्ठानका अध्यक्ष तुलसी भण्डारीको अध्यक्षतामा सम्पन्न कार्यक्रममा बोल्ने वक्ताहरूले स्व.विन्दुदेवी पाण्डे र स्व.विजयप्रकाश विनले पर्साको पत्रकारिता क्षेत्रमा पुर्याएको योगदानको चर्चा र स्मरण गर्नुभएको थियो ।
प्रतिक्रिया