वीरगंज, १३ असोज ।
पाँच किलो गाँजासहित पर्सा प्रहरीले दुई जनालाई पक्राउ गरेको छ।
सोमवार बिहान सात बजे इलाका प्रहरी कार्यालय पटेर्वाको टोलीले बहुदरमाई नगरपालिका–६ बाट पाँच किलो चार सय ग्राम गाँजासहित दुई जनालाई पक्राउ गरेको हो।
पर्सा प्रहरीका अनुसार पक्राउ परनेमा बिन्दबासिनी गाउँपालिका–३ का धनञ्जयकुमार दास र पोखरिया नगरपालिका–८ का विकास साह छन।
ना २९ प ५८२५ नम्बरको मोटरसाइकलमा सवार उनीहरूलाई हिरासतमा लिई अनुसन्धान थालिएको प्रहरीले जनाएको छ।
प्रतिक्रिया