वीरगंज, २ भदौ ।
सुनचाँदी पसलमा चोरी गरेको आरोपमा वीरगंज–१० घडिअर्वा बस्ने वर्ष ३१ को प्रमोद साहलाई प्रहरीले पक्राउ गरेको छ ।
२०७६।०४।१४ गते जिल्ला पर्सा वीरगंज–११ रानीघाट बस्ने मोहन प्रसाद सर्राफको सुनचाँदी पसलबाट चोरी गरेको आरोपमा साह पक्राउ परेका हुन् । उनको घरबाट चाँदीको जस्तो देखिने औठी २० थान, सुनको जस्तो देखिने औठी ७ थान, चाँदीको जस्तो देखिने सिक्का २० थान, चाँदीको जस्तो देखिने हात शंकर २ थान चाँदीको जस्तो देखिने डट पेन १ थान र सि.सि.टि.भि.क्यामरा १ थान बरामद भएको प्रहरीले जनाएको छ ।
यसैगरी साहको घरबाट विभिन्न किसिमका कपडा, मोबाइल फोन २० थान, घडी १२ थान, मोबाइल ब्याट्री, चार्जर, मेमोरीकार्ड, तार काटने कटर, पिलास बरामद भएको प्रहरीले जनाएको छ ।
प्रतिक्रिया