वीरगंज, २३ असार । प्रहरीले पर्साको दुई छुटाछुटै स्थानबाट अबैध सालको काठ बरामद गरेको छ ।प्रहरीले पर्साको जिराभवानी गाउपालिका बाट २ थान सालको गोलिया काठ बरामद गरेको छ।
इलाका प्रहरी कार्यालय पटेर्वा सुगौलीबाट प्रहरी निरीक्षक आशिष अधिकारी को नेतृत्व मा खटिएको प्रहरी टोलीले जिराभवानी गाउपालिका वडा नम्बर ५ हरैया टोलबाट १० क्युफिट सालको गोलिया काठ बरामद गरेको हो।
राष्ट्रय बन बाट अबैध रूपमा सालको रूख कटान गरि बाँस घारिमा लुकाइराखेको अवस्थामा उक्त काठ बरामद गरिएको प्रहरीले जनाएको छ।
यसैगरी प्रहरीले पर्साको पर्सागढी नगरपालिका वडा नम्बर ९ तेलिया गाउबाट ८ थान सालको काठ र १ थान साईकल बरामद गरेको छ।
इलाका प्रहरी कार्यालय एकटांगाबाट खटिएको प्रहरी टोलीले राष्ट्रिय बनबाट चोरी गरि ल्याईरहेको अवस्थामा उक्त काठ बरामद गरेको प्रहरीले जनाएको छ ।बरामद गरिएको ८ थान गोलिया काठको लम्बाई ४ फिट र गोलाई १ फिट भएको प्रहरीले जनाएको छ।
प्रहरी गस्ती टोलीलाई देख्नेबितिक्कै काठ तस्कर भने साईकल तथा काठ छोडी फरार भएकोले पक्राउ गर्ननसकिएको पर्सा प्रहरीले जनाएको छ। बरामद गरिएका काठ र साईकललाई आवश्यक कारबाईको लागि जिल्ला वन कार्यालय पर्सामा पठाईने जिल्ला प्रहरी कार्यालय पर्साले जनाएको छ।
प्रतिक्रिया