बिरगंज १९ असार। बिरगंजमा बसको ठक्करबाट एक साइकल यात्रीको मृत्यु भएको छ । बिहीबार बिहान ८ बजे बिरगंज महानगरपालिका १४ पिपरा नरसिंह स्कुल अगाडि बाइपास अन्तर्गतको सडकखण्डमा काठमाडौंबाट बिरगंजतर्फ आउँदै गरेको ना ७ ख २२३५ नम्बरको रोयल नेपाल बसले सोही दिशातर्फ गइरहेको साइकललाई ठक्कर दिँदा साइकल यात्रीको मृत्यु भएको हो ।
मृत्यु हुनेमा बिरगंज १८ निवासी अफरोज मिया रहेको छन् । उनको घटनास्थलमै मृत्यु भएको प्रहरीले बताएको छ ।
घटनापछि बसका चालक फरार रहेको र बसलाई वडा प्रहरी कार्यालय श्रीपुरको नियन्त्रणमा रहेको जिल्ला ट्राफिक प्रहरी कार्यालयका प्रहरी निरीक्षक राजकुमार सिहले बताए ।
मृतक मियाको शव परिक्षणको लागि नारायणी अस्पतालमा राखिएको छ । बसको चालकको खोजी कार्य भइरहेको प्रहरी निरीक्षक सिंहले बताए ।
प्रतिक्रिया