वीरगञ्ज – पर्सा प्रहरीले पर्साको ग्रामीण क्षेत्रबाट ठूलो परिमाणमा रहेको प्रतिबन्धित लागुऔषध गाँजा र चरेश बरामद गरेको छ । प्रहरीले पर्साको पटेर्वा सुगौली गाउँपालिका वडा नम्बर ५ देउरिया टोलबाट ४ क्विन्टल गाँजा र १ क्विन्टल लागुऔषध चरेश बरामद गरेको हो ।
लागुऔषध लुकाई छिपाई राखिएको भन्ने विशेष सूचनाको आधारमा ईलाका प्रहरी कार्यालय पटेर्वा सुगौलीबाट खटिएको प्रहरी टोलीले वडा नम्बर ५ देउरिया टोलका घरहरुमा खानतलाशी गर्नेक्रममा उक्त परिमाणको लागुऔषध गाँजा र चरेश बरामद गरेको प्रहरीले जनाएको छ ।
शुक्रबार बिहान देउरिया टोल पुगेको प्रहरी टोलीले गाउँमा सडक र नालामा बोराभित्र लुकाएर राखिएको अवस्थामा गाँजा र चरेश बरामद गरेको हो ।
प्रतिक्रिया