वीरगञ्ज । सात केजी प्रतिबन्धित गाँजासहित एक भारतीयलाई पर्साको महादेवपट्टी प्रहरी चौकीका प्रहरीले पक्राउ गरेको छ ।
जिल्लाको ओरिया खोला किनारबाट बीआर २२ एम २३७९ नम्बरको मोटरसाइकलमा गाँजा लिएर भारत तर्फ जाँदै गरेको समयमा पर्साको ग्रामिण इलाकामा खटेका प्रहरीले उनलाई पक्राउ गरेको हो ।
प्रहरीले पक्राउ गरेका व्यक्ति भारतको बिहार राज्य पश्चिम चम्पारण भागाहा बस्ने शुखराम महतो नुनिया रहेको जिल्ला प्रहरी कार्यालय पर्साका प्रहरी नायव उपरिक्षक अनन्तराम शर्माले बताए । पर्साको जिराभवानी गाउँपालिका वडा नम्बर १ स्थित ओरिया खोला किनारबाट लागुऔषध गाँजा सहित उनलाई पक्राउ गरिएको उनले बताए ।
मोटरसाइकलमा प्रतिवन्धित गाँजा लिएर सीमा नाकातर्फ जाँदै गरेको समयमा प्रहरीले चेकजाँच गर्दा अभियुक्त नुनिया पक्राउ गरेको पर्साका प्रहरी प्रवक्ता समेत रहेका प्रहरी नायव उपरिक्षक शर्माले बताए ।
अभियुक्त नुनियालाई इलाका प्रहरी कार्यालय पटेर्वा सुगौलीमा राखी थप अनुसन्धान भइरहेको छ । पक्राउ परेका नुनियालाई लागुऔषध मुद्दामा कार्वाही अगाडी बढाइएको जिल्ला प्रहरी कार्यालय पर्साले जनाएको छ ।
प्रतिक्रिया