पर्सामा प्रहरीद्वारा एक कठ्ठामा लगाइएको गाँजाखेती नष्ट

पर्सा । पर्सा प्रहरीले एक कठ्ठा क्षेत्रफलमा लगाइएको गाँजाखेती नष्ट गरेको छ । ईलाका प्रहरी कार्यालय पटेर्वासुगौली पर्साबाट खटिएको प्रहरी सखुवा प्रसौनी गाउँपालिका–१ खुवनी  टोलमा लगाइएको गाँजाखेती नष्ट गरेको हो ।
यस्तै सखुवानीबाटै प्रहरीले  सालको ६ फिट लम्बाई भएको गोलाई काठ –२ थान, ६ फिट लम्बाई भएको पासी १९ थान, ६ फिट लम्बाई भएको पटरी १८ थान र ४ थान कुर्सीको अवैध पासी समेत बरामद गरेको छ । बरामद भएको काठ आवश्यक कारवाहीका लागि जिल्ला वन कार्यालय पर्सा पठाइएको प्रहरीले जनाएको छ ।