महिलाको को समृद्धि विना प्रदेश र मुलुक समृद्ध सम्भव छैन: मुख्यमन्त्री राउत

जनकपुरधाम, भदौ १ । मुख्यमन्त्री लालबाबु राउतले आधा जनसंख्या रहेको महिलाको को समृद्धि विना प्रदेश र मुलुक समृद्धको कल्पना समेत गर्न नसकिने बताउनु भएको छ । 
दोस्रो नेपाल बालिका सम्मेलन २०७५को उद्घाटन सत्रलाई सम्बोधन गर्नु हुँदै मुख्यमन्त्री राउतले कुनैपनि बहानामा महिलालाई उपेक्षित गर्न नसकिएको बताउनु भयो । 
महिलाको महत्वलाई बुझेर प्रदेश सरकारले क्रमवद्ध रुपमा बेटी पढाउ बेटी बचाउ लगायतका महिला मैत्री कार्यक्रम ल्याएको उल्लेख गर्दै उहाँले  शिक्षा र रोजगारीमा महिलाको पहुँचलाई सुनिश्चित गर्ने प्रतिवद्धता समेत व्यक्त गर्नु भयो । 
विभिन्न सामाजिक कुरितिहरुका कारण महिलाहरु वर्षौ देखी विभेदमा रहदै आएको टिप्पणी गर्दै उहाँले प्रदेश सरकार त्यस्ता कुरितिहरु अन्त गर्न सशक्त कानून ल्याउन लागेको समेत बताउनु भयो । 
प्रदेश सरकारले ल्याउन लागेको प्रहरी ऐनमा समेत आरक्षणमा महिलाको लागि आधा सिट सुरक्षित गरेको उल्लेख गर्दै उहाँले अन्य रोजगारीको अवसरमा समेत महिलालाई आधा सिट सुरक्षित गर्ने बताउनु भयो । 
समाजिक विकास मन्त्रालयका सचिव देवीराम भण्डारीको अध्यक्षतामा भएको उत्त कार्यक्रममा आन्तरिक मामिला तथा कानून मन्त्री ज्ञानेन्द्र यादवले वालविवाह दहेज प्रथा जस्ता कुरितिहरुले महिलालाई अन्यायमा पारेको बताउँदै त्यस्ता कुरितिहरुलाई अन्त गर्न प्रदेश सरकार कुनै कसर बाँकी नराख्ने प्रतिवद्धता जनाउनु भयो । 
कार्यक्रममा प्रदेश भरि बाटै प्रतिनिधि मुलुक बालिकाहरुको सहभागिता रहेको थियो ।