प्रहरीबीच आइतवार अपराह्न गौरमा भएको झडपमा परी एक जनाको मृत्यु भएको छ ।
गौर नगरपालिकास्थित बिपी चोकमा मोर्चाका कार्यकर्ता तथा प्रहरीबीच
दोहोरो झडप भएको थियो । झडपका क्रममा प्रहरीको गोली लागी स्थानीय
तेजापाकड गाविस–१ बस्ने १७ वर्षीय शेष तवरेजको मृत्यु भएको जिल्ला प्रहरी
कार्यालय रौतहटले जनाएको छ ।
निजको दाहिने कोखमा गोली लागेको बताइएको छ । तवरेजको गौर अस्पतालमा
उपचारका क्रममा मृत्यु भएको हो । विरोध प्रदर्शनमा उत्रिएका मोर्चाका
कार्यकर्तालाई हटाउने उद्देश्यल आठ सेल अश्रुग्यास प्रहार गरिएपछि पनि
स्थिति सामान्य नहु"दा बाध्य भएर आत्मरक्षाका लागि गोली चलाउनुपरेको
जिल्ला प्रहरी कार्यालयका प्रहरी उपरीक्षक गणेशराज रेग्मीले बताए ।
गौरमा अनिश्चितकालीन निषेधाज्ञा
यसैबीच जिल्ला प्रशासन कार्यालय रौतहटले आज सदरमुकाम गौरमा निषेधाज्ञा
आदेश जारी गरेको छ । गौरमा आज मोर्चाका कार्यकर्ता तथा प्रहरीवीच भएको
झडपमा एक जनाको मृत्यु भएको र अवस्था सामान्य नभएकाले शान्ति सुरक्षाको
अवस्थालाई ध्यानमा राखी प्रशासन कार्यालयले गौर नगरपालिका क्षेत्रमा
अपराह्न ४ बजेदेखि अनिश्चितकालीन निषेधाज्ञा आदेश जारी गरेको हो ।
प्रशासन कार्यालयले गौर नगरपालिका अन्तर्गत उत्तरमा नया" बसपार्कको
वडहरवा पुल, दक्षिणमा गौर भन्सार गेट, पूर्वमा हनुमानस्थानको वडहरवा पुल
र पश्चिममा टिकुलिया गाउ"देखि पूर्वसम्मको क्षेत्रमा निषेधाज्ञा आदेश
जारी भएको प्रहरी नायब उपरीक्षक राजेन्द्र पोखरेल जानकारी दिए ।
प्रहरीले आफूमाथि अन्याय गरेको भन्दै मोर्चाका कार्यकर्ता विरोध
प्रदर्शनमा उत्रिएपछि स्थितिलाई साम्य पार्न प्रहरीले बल प्रयोग गरेपछि
झडप भएको हो । तर प्रहरीले भने मोर्चाका कार्यकर्ताले सुरक्षाकर्मीलाई
लक्षित गरी ढुङ्गा प्रहार गरेपछि बल प्रयोग गर्नु परेको जनाएको छ ।
विरोध प्रदर्शनमा उत्रिएका मोर्चाका कार्यकर्तालाई हटाउने उद्देश्यले आठ
सेल अश्रुग्यास प्रहार गरिएको जिल्ला प्रहरी कार्यालयका प्रहरी उपरीक्षक
गणेशराज रेग्मीले बताए ।
अज्ञात व्यक्तिद्वारा बसमा आगजनी
चन्द्रपुर नगरपालिका–८ स्थित पूर्वपश्चिम राजमार्गको पौराई जङ्गलमा
अज्ञात व्यक्तिले आज एक यात्रिवाहक बसमा आगजनी गरेका छन । ना४ख ५१० नंको
उक्त यात्रि बसमा आगलागी भएको भन्ने खबर अन्य यात्रिले दिएपछि प्रहरी
घटनास्थल पुगेको थियो । प्रहरी घटनास्थल पुग्दा त्यहा" कोही यात्रि
नरहेको बताइएको छ ।
इलाका प्रहरी कार्यालय चन्द्रनिगाहपुरका अनुसार आगलागीबाट बस पूर्ण
रूपमा क्षतिग्रस्त बनेको छ । बसमा कसले आगजनी गरेको हो भन्ने केही खुल्न
सकेको छैन ।
प्रतिक्रिया