वीरगंज, १४ साउन ।
वीरगंजमा एक प्रेमीले प्रेमिकामाथि छुरा प्रहार गरी हत्याको प्रयास गरेको छ ।
वीरगंज महानगरपालिका वडा नं.–१० गहवा बस्ने वर्ष २३ को रोशन गुप्ताले वीरगंज रानीघाट बनार्सीचौक बस्ने करीब २२ की मनु चौधरीमाथि छुरा प्रहार गरेका हुन् ।
४–५ वर्ष देखि प्रेम सम्बन्ध रहेको उनीहरु आज भिस्वा डाँडा घुम्न जाँदा एकआपसमा विवाद हुँदा गुप्ताले चौधरीको घाटीमा छुरा प्रहार गरेका थिए । चौधरीले गुहार गर्दा सोही डाडाँमा रहेका प्रहरी चौकीका इन्चार्ज रामबाबु प्रसाद यादवले गुप्तालाई पक्राउ गरेको थियो ।
गम्भीर अवस्थामा रहेको चौधरीको नारायणी अस्पतालमा उपचार भइरहेको तथा गुप्तालाई पक्राउ गरी जिल्ला प्रहरी कार्यालय, पर्साको हिरासतमा राखिएको प्रहरीले जनाएको छ ।
प्रतिक्रिया