पर्सा, असार ३०
प्रहरीले विश्वकप क्रिकेटमा सट्टाबाजी खेलाउने दुई जनालाई पक्राउ गरेको छ।
पर्सा प्रहरीले आइतबार वीरगञ्ज महानगरपालिका वडा ८ मा विश्वकप क्रिकेटको नाममा सट्टाबाजी खेलाइरहेको सूचनाको आधारमा उनीहरूलाई पक्राउ गरेको हो।
पक्राउ पर्नेमा वीरगञ्ज महानगरपालिका वडा ७ मा बस्ने ३१ वर्षीय आशिष कुमार वर्णवाल र वडा १९ का २१ वर्षीय निरज थापा रहेका छन्।
यस सट्टाबाजीमा कति रकम थियो भन्ने नखुलेको पर्सा जिल्ला प्रहरी कार्यालयका डिएसपी अनन्त शर्माले बताए।
उनले भने,'यो जुवा भएको भए रकम कति थियो थाहा पाइन्थ्यो तर यसमा डिजिटल हुने भएर अलि समय लाग्ने छ।'
उनीहरूबारे थप अनुसन्धान भइरहेको प्रहरीले जनाएको छ।
प्रतिक्रिया